Published By Bineswar Baro

" सिफुं "

_______

लिरगिरि:-जोंसार बर'

औवा बिजौनिफ्राइ

जोनोम मोन्नाय नों सिफुं

आय' मा एसे गोदै मा एसे

मिलौदो मेहेरगोनां नोंनि देंखो सिफुं

खनसे खोनाब्लानो , खनसे दामफ्लांबानो

गोजोन गोयै गोसो गोर्बो बिखाखौ थाजिम

खालामोनो हायो नोंनि देंखोआ सिफुं ||

महराव नायोब्ला नुयो नोंखौ लावथि ,गन बायदि
नाथाइ नोंनि महरा सुबुं माहारिखौ गोसो
गोजोन होनो हानाय गुन गोनां
जादु बादि महर नों सिफुं ;
आय' सिफुं बरायो नोंजोंनो गेदेमा सुबुं माहारिखौ
हायला-हुयला मोसाग्लांनानै बागुरुमबा देंखोजों
मेलनि गाहाय आलासिखौ ||
जेबोला बेलासि समाव गोजोन सुदेम
बारा बारग्लांनायजों नों सिफुंनि
देंखो हादावरि-बिदावरि, आनारि-बिनारि
रिंखांनायाव बर' माहारिनि गामिया
आय' नोंनि मिलौदो गोदै मेहेरगोनां देंखोजों
बेसे मोजां समायसिनदों बेसे मोजां रमायसिनदों
आंगो बर' जोनोमपुरि गामिया ||
बर' हारिनि गुबै सिनायथि नों सिफुं ,
बर' हारिनि गुबै महर नों सिफुं
नों नंआ बोला नों गैयाबोला जोंहा
हारिनि गुबै सिनायथि गैया सिफुं
आय' सिफुं नोंनो जोंनि बर' हारिनि
गुबै सिनस्रि हारिनि आयना ;
बर' महारिनि थार गुबै सिनायथि हारिमु नों सिफुं ||
गोसोआ गुद मावखांओ सिफुं नोंनि देंखो
रिनदाव रिनसि खोनाब्लानो
उसाव-बादाव जायो सिफुं नोंनि मिलौदो
मेहेरगोनां देंखो रिंखांब्लानो ||
जेबोला फैलाव गुवार सोमखोर
फोथाराव नों सिफुं नि देंखो
रिनदाव- रिनसि रिंखांनायजों हायला-हुयला बेरे ,
सिखिरिबादि बिबार बारियाव बिदै सोबनानै रंजानायबादि
लाइमोन बर' सिख्लाफोरा मोसाग्लांओ
अब्ला बयबो रंजाखांओ गोसोआ
बोदोर बावलि जायो गावखौनो बावगोमा
लांओ बर' गामिनि राय्जो-राजाफोरा ;
हांखुर जायो नायनो नोंनि गुनगोनां महरजों बोनाय
मिलौदो मेहेरगोनां देंखो रिंखांनायखौ सिफुं ||
अ..!सिफुं आंनि मोनसेल' आर'ज
जेबोला आं बे सोमखोर मिथिंगाजों समायफ्लेनाय
बहुरुफि मुलुग संसार बुहुम बिखानिफ्राइ आनज्राय लांओ
अबोला नों सिफुंनि खनसे देंखो रिनदाव-रिनसि
आलावरि-बिलावरि रिंखां हो सिफुं अब्लानो आंनि
गोजोनगैया जासे जिउ बरग'लांनाय सोलेरा
गोजोन मोनगोन सिफुं ||