नोंखौ मोजां मोननायआव"

जिउनि अननायआ.            

लिरगिरि:-भृगु गयारि

फेलें जाबाय होनना
आं गावखौ दुखु सैनां होआखै। 
नोंनि आंनि अनलायनायआ फेलें जाबायबोलाबो
नों आंनि गोजानाव जानखारलांबोलाबो 
आं नोंखौ बावगारनो नाजायाखै 
आं गावखौनो जावलिआ जा होआखै।
 नाथाय
नों साननो हागौ
आंखौ लाना मिजिं रनसायनाआ
 नोंनि थाखै बालाहामानि थोबथिंसे दैसो 
जेराव नोंनि अननाय मोजां मोननायआ
 हालाय हाफाय जाना आगोर मोनननाय नङा। 
जाथों बेनो नोंनि साननाय आंथ' सानाखै नोंखौ
सानदों बै गारबोनाय समफोरखौसो 
गावनि खालामनो होनना।
अबोलानो आंबो थांना थानोबो हागोन
 मुलुगनो बेनि रादाब खोनासंहोना 
डान्टे,जंकि पानेइमोनबायदि गोथार मोजां मोननायनि
जुगे जुगे रादाब
नोंखौ लाना आंनि गोसो थोनायनि।
       

Published by Bineswar Baro