बिखाया गावओ खुगाया गेवा....!  

लिरगिरि:-अखोरां गयारि

गोसोनि हाबिला दङमोन 
उदांनि बारजों मोसाग्लांनो,
गोसोनि हाबिला दङमोन
सन्दे बन्दे मेथाय खननो।
बुंहां बुंङाहां बुंनो हाया,
गाबहां गाबाहां गाबनो हाया,
गादां खुज्रानि गोदै देंखोनि
रिउ रिउ सेरेनजा दामनायाव
बिरबायलाङो आंनि गोसोआ नोंनि सेराव।
नख्रांआव सोम सोम गोसोम जोमैया
ग्रुम - ग्रुम खोरोमदों, अखा हादों,
आंनि गोसोआबो दावगाहां फावसयहां,
गंहाब गंहाब, सिरि सिरि नोंनि सेराव दिनै।
मिनिनो सानो मिनिनो हाया,
रंजानो सानो रंजानो हाया,
बेयनिख्रुय दुखुसिन आरो
मा थाबायनो आंहा।
अख्रांनि रंजालि दाउ नुनानै
आंनि आंनि गोसोआ उरांफारां जायो,
दखरसे जोमैया अखा हालाङो,
दुंब्रुद मोदैया खावलायजों बोहैलाङो।
बिखाया गावओ खुगाया गेवआ,
दावसा मोख्रेबा अख्रां सायाव
बिरबाय बिरबाय लामा आन्दायना
दिखारजों गाबबायबायो।
जेरावखि थाहैया नों रजे
गोसोनि मेगनाव नों खाथि खाथि
सन्दे बन्दे सिमां नुयो जुगामि,
गोसोनिल' नों अनजालि आंनि।आंनि।

Published By Bineswar Baro