{{ बुर्लुंबुथुरनि साहा थानाय ))

लिरगिरि:-जोंसार बर'

°°°°°°°°°°°°°°°°°°°°°°°°°°°
नै बुर्लुंबुथुरनि साहा थानाय नौनारि
बर' फिसाफोर
दिनैनि समा हारिनि थाखाइ गेरेमसा हारि
दानायनि सम जाबाय ||
दिनै उन्दुनानै दाथासै नोंसोर नौनारि बर' फिसाफोर
नोंसोर दिनै सिरिमोन्दो- सिखारदो
दिनै दंङमोन जोंहा बर'हारिनि गेजेराव
उदांस्रि हास्थायसुला-हास्थायसुलि
मेंनो रोंयै मावथि जोहोलाव-जोहोलाव
जोफोर
नाथाइ बिसोर दिनै गैलिया
बर' हारिनिफ्राय आनज्रायलांबाय ||
नै बुर्लुंबुथुरनि साहा थानाय बर' हारि
दाजासै नोंसोर दिनै गावजों गाव एना-एनि
दिनैनि समा जोंनि थाखाइ बिमा-बिफा,
बिदा-फंबाय,बिब-बिनानाव बादि खौसेयै
अनलायनायनिसो सम जाबाय
दिनैनि समा हारि फोजाखांनायनि
सम जाबाय ||
नै नौनारि बुर्लुंबुथुरनि साहा थानाय
बर' हारि..
फैदो फै जों दिनै खौसेयै ज' जाना
समानै हारिनि थाखाइ गावखौ बावसोमनो,
समाज सिबिनो, हादत सिबिनो हारिखौ
गेरेमसा महर मोनहोनो आवगय बोदो ज' जयै ||
बावनानै दाथां नोंसोर दिनै बड'फानि सिमां,
बावनानै दाथां नोंसोर दिनै बड'फानि
दुंब्रुद गोजा बिखानि थैजों बर' माहारिनि
गेजेराव गेरेमसा राय्जो बड'लेण्डनि
मुं लिरलांनो नाजानायखौ |||

Published by Bineswar Baro